Happy Labor Day!
O Labor Day celébrase nos Estados Unidos a primeira luns de setembro e é unha festa dedicada a homenaxear os traballadores e o seu papel no desenvolvemento do país. A súa orixe está relacionada co movemento obreiro de finais do século XIX, cando os traballadores comezaron a reclamar mellores condicións laborais, xornadas máis curtas e salarios xustos.
A primeira celebración oficial tivo lugar en 1882, en Nova York, e co paso dos anos a festividade estendeuse por todo o país. En 1894, o presidente Grover Cleveland converteu o Labor Day en festivo federal.
Hoxe é unha xornada festiva que marca tamén o final simbólico do verán. Moitas familias aproveitan a ponte para facer viaxes, organizar churrascadas, pasar tempo ao aire libre ou simplemente descansar. Para nós, vivir estes días nos Estados Unidos permitiunos coñecer de primeira man unha das celebracións máis importantes do calendario estadounidense.
.jpeg)
No hay comentarios:
Publicar un comentario